منہاج علماء کونسل سرگودھا کے زیرِاہتمام عظیم الشان "ذکرِ اہلِ بیت علیہم السلام کانفرنس" کا انعقاد

تحریکِ منہاج القرآن کے ذیلی فورم منہاج علماء کونسل سرگودھا کے زیرِاہتمام عظیم الشان ذکرِ اہلِ بیت علیہم السلام کانفرنس کا انعقاد کیا گیا، جس میں نائب ناظمِ اعلیٰ تنظیمات سنٹرل پنجاب، علامہ رانا محمد ادریس قادری نے خصوصی شرکت و خطاب فرمایا۔ سرگودھا پہنچنے پر علامہ رانا محمد ادریس قادری کا منہاج القرآن سرگودھا کے ذمہ داران اور کارکنان کی جانب سے والہانہ استقبال کیا گیا۔ کانفرنس سے خطاب کرتے ہوئے علامہ رانا محمد ادریس قادری نے قرآن و حدیث کی روشنی میں اہلِ بیت اطہار علیہم السلام کی عظمت، مقام اور کردار پر مدلل اور پراثر گفتگو فرمائی۔ انہوں نے کہا کہ ذکرِ اہلِ بیت علیہم السلام کا ذکر امتِ مسلمہ کے قلوب کو جوڑنے کا ذریعہ ہے، اور ان کی سیرت ہمیں صبر، استقامت اور قربانی کا درس دیتی ہے۔

اس موقع پر معروف مذہبی و سماجی شخصیات، مشائخ عظام، علمائے کرام، تحریک منہاج القرآن سرگودھا کے مختلف فورمز کے قائدین، کارکنان اور محبانِ اہلِ بیتؑ نے بڑی تعداد میں شرکت کی۔